اهم المساعدات المقدمة من الجوب سنتر في المانيا تقدمت فراس الشامي
يا شغل يا دراسة. او التنين مع بعض بـ الالماني
Entweder Studieren oder arbeiten oder die beiden
1. بالنسبة لدعم الجوب سنتر للشخص حصل على فرصة عمل .
لنفرض ان الشخص العاطل عن العمل بياخد مبلغ 700 يورو (بيت 300 و 400 مصروف)
وبعد فترة لقى شغل ب 500 يورو. هو بفكر انو بس اشتغل فالجوب سنتر رح يقطع عنو راتب البطالة مباشرة. هدا الكلام طبعاً غلط تماماً
الصحيح هو انو الجوب سنتر بتركلو 100 يورو وبحسب انو الشخص عم بياخد بدل 500 يورو 400 يورو
يعني بالنهاية الشخص رح ياخد 500 يورو كراتب عمل و300 يورو تكملة من الجوب سنتر. وهيك بصير الشخص بيدخل على الحياة المهنية و بجمع خبرة في العمل.
2. تعويضات السفر للبحث عن العمل في المانيا.
اذا كنت عم تاخد مصاري من جوب سنتر (السوسيال) وبعد فترة اجاك عرض شغل بمدينة تانية وبعيدة عليك وطلبوك للمقابلة مشان التوظيف وانت طالما عم تاخد مصاري من السوسيال معناتو انت مفلس والسفر في المانيا مكلف. كل شي في المانيا الو حل
بتروح على الجوب سنتر وتحكي القصة للموظف المسؤول عنك وبتجيب ورقة الدعوى من الشركة في هيك حالة الجوب سنتر بتشتريلك بطاقة سفر وبتدفعلك اجار الفندق اذا لزم الأمر.
وهيك بتدور ع شغل بدون ما تصير عندك ازمة مالية. واذا توظفت رح نجي بعدين ع موضوع التنقل والبيت الجديد و...... هدا كلو رح اشرحو بس على دفعات مشان يكون البوست واضح.
3. المساعدات المالية للحامل في المانيا,
من الأسبوع 13 من الحمل يحقلها اخد راتب زيادة 17 بالمية من راتبها الي بتاخدها من الجوب سنتر.
يعني اذا كانت عم تاخد 399 يورو في الشهر فيها تاخد 67.83 يورو زيادة. طبعاُ متل ما ذكرت من قبل انو فيها كمان تاخد مصاري مشان دعم الولادة و دعم الطفل وفي جمعيات غيرها في المانيا بتدعم الحمل والولادة متل Caritas هي الجمعية بتهتم كتير بهيك مواضيع وبتدعمها مادياً ومعنوياً.
4. تعويض الولادة و دعم الطفل في المانيا.
,Erstausstattungen bei Schwangerschaft und Geburt
اذا كان الواحد عم ياخد مصاري من الجوب سنتر واجاه طفل بيحسن ابوه للطفل ياخد مساعدة مالية (لمرة وحدة بس) من الجوب سنتر. لازم الشخص يروح ع الجوب سنتر ويعبي استمارة ويشرح وضعو ووضع الطفل والأم. متلاً انو تقول انو الطفل بدو سرير وملابس وحليب و........و الأم بدها ........ وبعدين الجوب سنتر بيدرس الموضوع وبحولك مصاري. ما في مبلغ محدد بجوز يكون 300 يورو او 1500 يورو. كل شي بعتمد على وضعك.
اهم المساعدات في المانيا
* إعفاء من رُسوم المذياع: Befreiung von den Rundfunkgebühren
يجب تقديم طلب إلى GEZ للإعفاء من رُسوم المذياع. يُشترط حُصولكم على خدمات حسب SGB II، SGB XII أو AsylbLG. رجاء مُراعاة إرفاق الطلب بصورة مُصدقة من "إعلام بخصوص الخدمات" "Bescheid über die Leistungen".
* نُقود الوالدين: Elterngeld
يُمكن تقديم طلب للحُصول على نقود الوالدين في حال البطالة عن العمل بعد ولادة طفل أو مُزاولة محدودة لعمل. يتعلق مبلغ نُقود الوالدين الذي ستحصلون عليه بما كنتم تكسبون من عمل قبل الولادة. في حال عدم مُزاولتكم أي عمل قبل الولادة، يتم دفع مبلغ 300 يورو لكم. يُخصم هذا من الخدمات. يُدفع هذا المبلغ لفترة أقصاها 12 شهراً.
* نُقود الأطفال: Kindergeld
تُدفَع نُقود الأطفال عن جميع الأطفال الذين تنقص أعمارهم عن 18 عاماً – في بعض الحالات بعد بُلوغ هذا العُمر أيضاً. يُقدم طلب الحُصول على نُقود الأطفال خطياً إلى صندوق العائلة المُختص Familienkasse.
* علاوة الأطفال: Kinderzuschlag
يحق للوالدين ذوي الدخل المحدود، الذين يعيشون مع أولادهم (تحت سن 25 عاماً)، الحُصول على علاوة أطفال. يُقدم طلب الحُصول على علاوة الأطفال خطياً إلى صندوق العائلة المُختص Familienkasse.
* نُقود السكن: Wohngeld
تُدفَع نُقود السكن من الدولة كعلاوة بالإضافة إلى مصاريف الإيجار. يتعلق الحُصول على نُقود السكن بالعوامل التالية:
كم يبلغ دخلكم مع دخل أفراد عائلتكم، كم عدد الأشخاص المُفترض أن يعيشوا من هذا المبلغ وقيمة الإيجار.
يجب عليكم إرفاق مُستندات أخرى مع الطلب (عقد الإيجار، إفادة المؤجر، حساب الأجر).
9:44:00 م
